尋日國慶~ 下午同朋友一行5人~
去上環既林土街停車場9樓~
出席「音樂潮人show」~

果度其實係一個海關俱樂部~
係借個場黎用既~
個場既擺位好似酒樓咁~
另一邊有幾行坐~ 前面就係台~

呢6位都係一班年青歌手~ (唔係入娛圈果D)
先一齊唱下「火熱lalala」同「大日子」~

其中2位女歌手~ 左邊叫慧婷~ 右邊係斐兒~
斐兒係我朋友既大學同學~ 所以朋友就邀請我去~
至於慧婷俾我感覺好似就黎加入樂壇咁……

之後每位歌手都有單獨出場唱下歌~
有以前既流行曲~ 但亦都有自創歌曲~
作曲同填詞都一手包辦~ 好有音樂才能架~
慧婷有好多自己原創歌曲~
有一首係專為四川地震而作既~
唔知道有冇機會出碟~

跟住輪到中間果位仁兄叫bosco載歌載舞喇~
仲有2位歌手幫佢伴舞添~

當中都有D合唱歌~ 例如bosco同愛玲合唱~
佢地手拖手喎~ 呵呵~
仲有3個男仔都會合唱兼跳勁舞~
唱「打得火熱」同「超人迪加」~ 勁搞笑!!

最後當然又係一齊合唱一系列流行曲~
記得佢地唱過「隆重登場」、「煞科」~
「紅日」等等~ 仲有好多好多唔記得:P~

我拍左佢地好多片呀~ 會上載到yahoo video度~
做好左之後再比link大家睇……

其實除左有show睇~ 果度仲有自助餐架!!
可惜果度D食物好有限~ 我地每人都只係食幾件~
(例如雞翼、三文治、腸仔菠蘿、春卷同茶等等)
就已經冇晒~ 勁唔夠候……

完場了!! 佢地一齊合照留念~~

跟住我特別搵左斐兒、慧婷同bosco合照~
如果慧婷入左樂壇~ 兼有得紅~
咁我同佢既合照就好珍貴喇!!

睇完左個show~ 我覺得佢地都好投入~
好努力咁唱歌同跳舞~
我D朋友話個show好似有樂器表演~
甚至band show~
最終冇~ 感到有D失望~
又覺得染髮果2位仁兄唱功唔夠特別~
食物方面唔使講~ 大家都覺得唔夠~
出席呢個show要俾$138架~
不過都算啦~ 搞活動需要好多開支~
應該支持下佢地既~

之後我地由上環行到中環IFC果邊~
再行到去中環碼頭~

呢度係填海地區~ 遠處有皇后碼頭~ 但已經拆左~

黎到中環碼頭喇~ 果度既建築好有歐陸feel~~

之後有D朋友話想去剪髮~
咁就去左搭船~ 我就留係中環碼頭~
試下係果邊睇國慶煙花~
好彩都有朋友陪我睇~~^^
我地都係買左菜肉包、腸粉同飲品~ 當dinner食~

呢度就係中環碼頭較空曠既位置喇!!
我地6點半就坐係度~ 等到9點~
地方夠開揚~ 又唔係好迫人果隻~
我地都係第1次係果度睇煙花架!!

2個半鐘頭等其實唔長~ 淨係傾偈、睇雜誌都差唔多~
我試過最長紀錄”企等”4個鐘:P

wow!! 煙花升起喇!! 砰砰既煙花聲真係令到個心都震埋!!
我部相機太jar了~ 影到D煙花走晒樣==

已經冇手震~ 但都繼續走樣==

ending喇~ 通常爆得最厲害~ 但效果都好唔掂==

放完了~ 煙花都好靚~
不過總係覺得好多煙~ 又吹過黎中環果邊~
所以有時睇唔清…… ending果陣就清~

唉~ 我部canon A450相機越黎越唔掂……
佢係要夠光先影得夠清~ 一到夜晚影完全矇晒~
而且耗電量好大~ 今日都換左2pair電池!!
我遲D要儲錢買部好D既!!

最後我地搭地鐵+火車回程~ (我就係唔鐘意講港鐵:P)

返到屋企都係11點到~ 睇到晚間新聞~
發覺原來尖沙咀睇夠正面~ 睇到一排煙花好靚~
而中環就只係睇到側面==
所以下次睇煙花~ 都係揀返尖沙咀最理想……

聽另外朋友講話~ 呢晚有人去尖沙咀睇煙花~
係由中午12點等到夜晚9點……
D人駛唔駛咁瘋狂呀????==