大匯演撲飛經過!!
今朝我要做一個特別任務~
六點半起身~ hea到七點幾出門口~
七點半就到排隊位置~
見到一條隊(約30,40人)到~
似乎唔係太多人排~
由七點半~ 係外面條街度企企企~
企到十點~ 終於可以分流咁上2層到商場後巷~
有少少冷氣~ 舒服晒~
我後面有2個人~ 之後截一截~
後面排既就係樓下條街繼續等~ (好熱架~~)
(8月22日後補2張相)
當時企到商場後巷~
(再轉彎入就係通利琴行)
已經差唔多十點半~
企到十一點~ 郁都冇郁過!!
原來賣飛果D系統down晒~
(全港34個都down晒)
証明大家撲飛係幾咁瘋狂!!
只可以繼續等~ 都唔知等幾耐……
我企既位置~ 太易俾人誤會係龍尾了~
石Q哥哥都講左N次話龍尾係樓下~
相信當時樓下有100-200人排!!
佢地而家先去排~ 太遲了!!
未必買到架喇~ (2012年再去吧:P)
香港人老早地排隊~ 係特色黎~
呢度就係10點半後~ 企左呢度勁耐既後門位置喇~
行出去右手邊就係通利琴行~
前面計埋入面D人~ 估計有10多人吧!!
可以見到左手邊當時唔止有石Q~
仲有商場管業處人員、經理~
警察都有多位~ 照顧住排隊既市民~
(果然動用好多人力物力)
我打算買4張「匯演」飛~
2張「示範」飛~ (想睇跳水, 其次羽毛球)
十一點半終於排到通利門口~
Oh!! 跳水、羽毛球同體操full晒!!!!
剩返乒乓波~ 唔緊要~ 照殺!!
點知差唔多可以買果陣~ 都full埋!!
4個「示範」飛冇晒== 快成咁==
踏正12點~ 終於買到4張「匯演」飛~
如果冇down機~ 早個幾鐘就買到啦~
企足幾個鐘~ 腳同腰骨都痛~
又渴又餓~ 即刻去食lunch~
食完先返公司……
跟住上網睇返午間新聞~
D記者去荃灣大會堂採訪~
果度成900幾人!! (証明我排果度夠小型)
down機果陣~ 佢地有鼓燥添~
記者1點幾時話「匯演」飛已經賣晒~
但果度仍然有400幾人排隊~
佢地未收到廣播~ 話唔會走喎……
咁我買到飛~ 有D好彩!!
8月30日~ 可以去大球場~
睇「奧運金牌精英大匯演」喇!!
呢4張買得真唔容易呢~~~~
回應(6) | 回應的RSS | 暫時未有引用通告| 
(1)
kickin8