食在和民
尋晚好開心~
約左朋友去TST慶祝~
去”和民”度食晚餐~
我夠效率~ 唔使七點就到~
完全唔駛等位就可以入去食了~~
能夠再次去果度食~ 真係好開心~
因為和民真係好好食
我每次去親和民~ 都會例牌叫叉燒豬骨湯拉麵~
睇下D豬骨湯幾濃~ 味道岩岩好~ 唔會過鹹~
朋友送既生日禮物啊!! 好靚啊!!
之後拆禮物~ 一睇~
係一個圓形紅色鐵盒~ (冇影到相==)
側邊有晒圖案~ 至於係咩圖案~
就係同以下呢隻杯有關喇……
狗~
圓形鐵盒入面~ 就係隻杯喇~ (加埋2塊杯墊)
佢唔係一個普通杯~ 背後係有另一個公仔~
我賣個關子先~ 俾大家估下~
(貼士: 狗之後係乜呀??)
下個post就揭盎~
(就係呢個杯~ 搞到大家都好好笑架!!)
好喇~ 講番和民美食喇~
其實仲有其他佳餚!!
左邊果碟唔記得左咩名堂喇~
果碟野真係好好食~ 直頭中西合壁~
面頭果D係茄汁芝士~ 西方味道濃烈~
但入面中方餃子+菜!! 睇落好似蒸出黎咁~
咁樣配搭真係正!! 至於右邊果碟叫「明太子芝士豆腐」~
「和民沙律」!! 睇下幾colourful!!
成碟野凍冰冰~ D菜新鮮爽甜~
沙律同吞拿魚汁又惹味~ 勁勁勁勁正!!
我同朋友都好鐘意食 必定會叫!!
真係食得好滋味~ 好enjoy……
淨係得TST分店D生菜先係咁爽甜架~~
大家差唔多食得飽飽地~
朋友話原來仲有一份禮物送架!!
仲要係主菜添!! 好驚喜啊!!
鄧鄧鄧……
係一個英文名電話繩啊!! 真係好靚~
對我黎講一D都唔普通架!!
咁岩我手機未有繩~ 於是即刻掛起左喇
食完和民~ 大家俾一間雪糕店吸引住~
於是就食雪糕喇~ 冇停口呀~ 哈哈~
Mamma Mia Gelato~
薄荷朱古力+朱古力曲奇~ 我鐘意食杯庄~
呢日真係好開心呢!! 非常之多謝我朋友啊!!
回應(8) | 回應的RSS | 暫時未有引用通告| 
(4)
漫柔
kickin8
茶
alanart