尋晚睇過一百萬人全民開講~
我就講下新移民同仔女呢方面……

最近新聞報導~
有對新移民父母~
因為仔女冇車錢返學問題嘈交~
搞到警員上門都要俾$100作應急~
而仔女數目竟然有4個!!

我好想講~
新移民既父母~
如果雙方都係低技術~ 低收入~
可否唔好生咁多仔女呢?????

窮人生窮人~
已經應用唔到今時今日既年代了!!

以前60-70年代~ 窮人生窮人好平常~ 個個都係咁養架喇~ 因為果時冇咁多物質~ 玩既野都係簡簡單單~ 而且父母出外打工~ 賺既都夠養活一家~

而家資訊科技發達~ 好多物質引誘~ 手機、i pod、NDS、電腦~ 樣樣都係錢~ 而且今時今日年代~ 已經唔多人願意生BB~ 鐘意過2人世界~ 女性有學歷~ 有技術~ 亦都獨立起黎~ 婚後都會繼續工作~ 賺取更多金錢~ 雙方生活富裕起黎~ 住私家豪宅多的是~

反而平平凡凡~ 低學歷或技術既父母~ 尤其係新移民~ 就好願意生BB~ 仲要生3,4個~ 完全響應香港特區政府呼籲~ 平衡返人口不均情況…… 可惜既係~ 低技術既父母~ 父既多數做三行~ 有工開就有$~ 冇工開既冇~ 母既多數做清潔或家務助理~ 做足十幾個鐘~ 每月都只係賺$4000或以下……

雙方賺得少~ 仲要養埋幾個仔女~ 佢地每日食唔飽~ 捱公仔麵~ 少食肉類~ 營養欠缺~ 冇零用錢~ 冇玩具玩~ 冇電腦輔助~ 課外活動如果要錢又學唔到~ 發展唔到所長~ 完全影響到身心成長……

同埋有D父母~ 父既會無端端走左佬(母都有機會)~ 剩返母親同仔女~ 單親既家庭生活~ 可想而知仲更加悲慘~ 仔女既成長同將來更加受到影響!!

到佢地大個~ 如果係逆境中都讀到書~ 賺到錢~ 係一個奇蹟! 但如果讀唔成書~ 又冇錢讀課程去增值~ 變左只係做餐廳、或者青年大使~ 廿幾歲仲係低收入~ 前路真係茫茫……

又或者唔講貧窮~ 就算有錢~ 但而家年代物質太豐盛~ 物價又高企~ 父母真係會一齊外出工作先可以維持…… 仔女雖然乜都有~ 但冇父母照顧~ 缺乏溝通同關愛~ 終日掛住上網、打機~ 仲會打通宵~ 打到連返學都遲到~ 甚至乎請假……

如果母親留在家~ 全職做家庭主婦~ 變左依賴父親出外打工維持~ 為左賺更多錢黎養家~ 有時會加班~ 夜返屋企~ 母親又擔心~ 父親見仔女日子~ 陪佢地玩都少左…… 有時做男人~ 真係幾辛苦~ 兼顧家庭又要兼顧父母~

而家D小朋友~ 寵壞程度高左~
鬧就駁咀駁舌~ 打又唔打得~
可想而知而家仔女越黎越難教!!
父母既責任~ 幾咁重要!!

有一D未婚意外懷孕~
有人就會覺得~ “有左呀~ 唔好落呀!!~ 係生命黎架!!”
如果因為”生命”~
明知唔想~ 都要生出黎~
最終交去保良局照顧~
又用左政府資源喇~

所以話生小朋友~
係一個好大既學問~
真係要諗得清清楚楚~
唔好話為左生BB而生BB~
亦唔能夠純粹話為左傳宗接代、防老而生~

充裕既金錢固然重要~
但教育仔女能力更加重要!!
幫助佢成為頂天立地既人~
否則教唔好~
只會為呢個社會~ 增添麻煩~