實惠滿載家天下
尋日星期日~ 我自己一個去西九~
上到溜冰場附近既tvb週刊counter取換領券~
係個半月前填過表格既(gitti $200現金券)~
好開心可以中獎黎取啊~
之後~ 原來地下有function搞~
係新城娛樂台同實惠合作既~ (我係聽新城既)
我錯過左睇家燕姐啊~~~
但都見到幾位總算薄有名氣既artist~~
有張繼聰~
佢地係度玩．．．．．．爭櫈仔~ 哈哈~
睇下佢地玩得幾開心~
玩完遊戲就頒獎~ 合照留念先~
估下呢位又高又瘦既靚女係邊個??
佢係今年樂壇女新人Kathy梁雨恩呀~ 之前唱果首「怎麼怎麼」幾好聽~
之後請上黎既都係女新人~ 主持話佢叫peggy~ 但完全唔識佢~
之後請官恩娜~ 佢唱舊歌「失常」~
之後請啤梨葉文輝~ 我見過佢真人都有幾次喇~ 佢唱果首「沒有童話」掂晒~
之後仲請左阿lo同康子妮兩夫婦上黎~ 康子妮好靚女啊~ 身材仲好fit添~
阿lo真搞笑~ 用地拖抹人塊面要人估係乜~ 最終係估唔到既~ 呵呵~
最後都要介紹呢個function既司儀就係李麗蕊同林柏希喇~
我年幾兩年前~ 朝早返工都有聽佢地節目「開心大閙鐘」架~
佢地評論新聞好有道理兼搞笑架~
(0)