飯煲相
有相睇!! 勁耐冇upload相~
以為圖書館冇software去執相~
好彩都搵到~
講咁多自己唔開心野做乜??
不如加下相~ 等我個blog冇咁悶丫麻!!
呢幅係我屋企相黎架~ 當時9月1號仲未入伙~ 地下鋪地磚~ 唔錯架~
入左伙後~ 傢俬野唔方便分享了~
但有一樣野可以俾大家睇~ 就係．．．．．．
估下係咩黎?? 係雪櫃呀~ 係咪好細呢?? 裏面size大約有8罐可樂咁大到啦~
水果只可以擺一、兩隻~ 再擺肉、菜同飲品都滿晒了~
呢日係9月9號~ 島野香特別上黎我屋企~
一齊煮野食!! (佢話叫「地獄廚房」喎~ 呵呵!!)
d午餐肉係咪好厚呢?? 係島野香切架~ 口感特別好!!
之後分享下我平時食乜啦．．．．．．
睇下蒸架上既食物幾唔健康~ 通通都係罐頭食物~ 下面係飯黎既~
有時可以食得好健康既~ 通常烚菜只有煲麵先食到~
d「立」腸係媽咪俾既~ 結果煲得好成功呀~
除左煲飯、麵、粥呢d鹹食之外~ 甜食都得架~
呢煲麥皮只需將375ml維他奶煲滾~ 然後加麥皮再翻煲就得架喇~
如果嫌甜得滯~ 可以先加少少熟水就得~
如果d麥皮凝固左少少~ 表面加朱古力煉奶就唔會沉架喇~
屋企得一個電飯煲煮食~ 自然煲水都要勞煩佢啦~
如果要返工~ 夜晚會煮兩份~ 睇下烚餸幾咁健康非常~
回應(10) | 回應的RSS | 暫時未有引用通告| 
(1)
kickin8
2007 十一月 20 at 8:06 pm 個雪櫃好得意好可愛，香港買架??
你煮野食都好叻，不過煲水都用電飯煲就唔係咁好嚕。
2007 十一月 21 at 2:01 am I like the fridge too! =D
2007 十一月 21 at 3:38 pm 茶~ 多謝你讚個雪櫃~ 哈哈~ 唔係我買架~ 係朋友有多特別損增出黎既~ 唔知邊度得黎啊~
我煮野食絕對唔叻啦~ 你過獎了~ 其實煲野食都係蒸同烚~ 手板眼見功夫~ 就算毫無經驗都做到既~
用爐具去煎炒食物~ 仲要識煲湯~ 先至叫識煮野食啊~ 你又講得岩既~ 用電飯煲煲水~ 係有一陣飯煲味~ 所以最近呢一個月係買一大筒水作飲用~
2007 十一月 21 at 3:59 pm kickin8~ 你又like呀?? 多謝你既nice喎~ 其實內裡個雪櫃係唔夠凍架~ 有時會出水既~ 時不時要抺一抺~ 但呢個又可以叫暖櫃~ 佢可以保凍兼保熱~
2007 十一月 21 at 4:57 pm 佢可以保凍兼保熱~ <-- hahaha.....good feature bor....
2007 十一月 25 at 3:05 pm 個煲好似幾好用，不過都唔夠 d 野食吸引。
2007 十一月 25 at 3:07 pm 咦，我誤以為個隻蛋係個煲添 >_<
2007 十一月 26 at 5:16 pm winter~ 煲???? 哈哈哈!! 你真有趣~ 你覺得個煲蓋會係邊度出黎呢?? :p
其實d送菜好普通架咋~ 出街食果d吸引好多啊~ 起碼食香味俱全呢~
見到你留言俾我~ 真開心^^
2007 十一月 26 at 11:20 pm 個煲好似幾好用. 我都好想吃tim
2007 十一月 27 at 5:35 pm Ice~ 你d口吻咁似winter之前留果句既?? 你指電飯煲定蛋煲??:p 多謝你欣賞~