尋日星期六~ 我係返9am - 5pm~
結果放工時間係7:30pm~~~

我而家對工作上~ 係感到有壓力~
係有唔開心既感覺~ 我最唔鐘寫daliy schedule~
又好似以前返global公司咁．．．．．．
而家每日返工~ 第一時間就check e-mail~
跟住打daliy schedule~ 又要接電話~
接完電話又要打返落表~ 打完daliy schedule又要e-mail俾linda同楊副主席~
做呢d野就要用成個鐘~ 成個鐘後先可以正式工作~
放工前又要補打返incoming call~ 因為接電話通常抄notes~

冇計~ 鬼叫我自己一個人工作~
秘書同副主席實要知我做緊乜~
仲要寫幾時完成~ 幾點完成~ 仔細到不得了~
阻我工作~ 阻我收工~
做每一樣野都要記錄記錄記錄~
記錄好晒~ 年尾就會同我評分~
同年終獎金有掛鈎~

linda有時對我好嚴~ 用電話說話佢講野好有骨~
但佢正式落黎見我果陣就好好笑容~
變化可以咁大~ 佢話我有唔開心既一面~
唔應該咁講~ 應該話燥多過唔開心~
工作有壓力~ 係正常架~ 心情唔好~ 都正常架~
一定要我開心?? 我心情要點樣點樣佢都要知~ 都要管??

唔知點解我放工後~ 好自然地喊過4次~
可以唔慣呢份工作啦~ 一間私人屋苑~
有法團~ 管業處~ 會所~
管業處係under法團~ 所以管業處做既野係要管~
要處理既事項就複雜非常~
而且~ 獨立生活~ 獨立工作~ 所有野都係自己黎~
有時~ 真係好累~

我真係唔想自己一個由水人~ 變成一個火人~

呢排~ 比較難忘既日子係~

22/9(上星期六)：

果晚係我首次參與會議(財務及維修)~
出席既委員(包括我)如果6pm - 8pm開會~
就可以有免費膳食津貼~ 所以我幫手訂飯~
其實我本身呢位法團助理係冇既~
只不過每個委員有$50津貼~ 佢地叫飯實冇$50咁多~
有剩既咪撥俾我lor~ (越多人越好)
第一次見班委員~ 話就話專業~
其實個個都著短褲拖鞋~ 好搞笑~
之後開會~ 我好開心可以用法團notebook去take minute~
其實都係take重點~ minutes係管業處take~ 兼打~
take唔晒唔緊要~ 有錄音~ 但法團竟然用md機錄=.=~
md機都唔知過左幾多世~ 會議過程尚算順利~
法團委員係經常challenage管業處既工作~
一做得唔好就會話~ 佢地要做乜做乜~ 交乜交乜~ 我都要知~
10:30pm開完~ 好彩唔夜姐~ (如果講得多話題~ 凌晨都有架)
之後~ 阿茵打俾我~ 話想明天一齊飲茶~

23/9(上星期日)：

好難得連續返6日工~ 可以有假放~
但呢日有3個約會!!!
原本約左阿茵佢地12點~ 但我11:45am先起身~
佢地都一樣~ 哈哈~ 我1:30pm先返沙角一間酒樓~
見到阿茵、sarah、wing & apple~ (佢地住附近)
阿茵同sarah問我新居同工作既事~
私底下一齊飲茶真係唔錯~
我可以食既都只有菜同齋腸~
apple帶左vcd機+2隻月餅落黎~
wing哥竟然話有多dvd機~
算啦~ 用住apple果部先~
之後佢地返教會~ 我有野俾apple~
所以上佢屋企~ 之後apple話要買box file~
於是同佢出去~ 結果新城市大眾最便~

約完apple後~ 就約媽咪~ 返左馬鞍山~
搬出後既第二次見面~ 兩次都係約樓下~
佢唔俾我上去舊屋~ 所以佢整左飯拎落黎~
亦俾左兩樽涼茶~ 仲有一d糧食~
加埋apple既vcd機咪話唔辛苦呀~
咁就完左3個約會喇~

25/9(今個星期二)：

呢日係中秋節~ 委員話我可以早走~
但我呢晚都冇約人~ 而且屋苑搞左個中秋晚會~
我想參加~ 於是出席~ 我幫手影相~
原來法團部相機又係out左好耐(canon powershot s30)~
阿kit(委員)仲話電池要差爆佢添~

其實呢個中秋晚會係管業處搞既~
法團都只需搵主席出黎致詞~ 頒獎俾優秀保安員~
委員都只需派幾個上台幫手抽獎~
我仲帶埋自己私家相機影添~

最好笑既係linda帶左兩張抽獎券~
睇下我地法團有冇得中獎~ 結果冇~ 呵呵~
其實d禮物係法團買既~ 我岩岩入黎做果陣已經有人買左喇~
而且我電腦已經有禮物清單~ 知道晒送咩啦~
頭獎都係電熱水機仔~ 其他又冇乜特別~

晚會過後~ 我同linda、kit、kannex+佢先生~
一齊去食糖水~ 係花都商場既「甜蜜棧」~
我真係要讚下呢間鋪頭~ 真係又抵又好食~ (好過滿記)