相愛六年

Posted in: 朋友 @ 2007年06月03日

6年前既6月1號~ 當時我雖然未夠18歲~
但就已經做緊第一份工作實習~ 仲做左10日到~
呢間公司係一個大機構 - TVB週刊~
我只需做剪頭票、寄送贈品、輸入會員資料咁~
都幾忙架~ 唔會冇野做~ 同事個個都好senior~
個個都好忙~ 所以比較少理我~ 都有D悶~呢日老細請多一個女仔過黎做~
同我係同一個post~ 都係做D好簡單既工作~
我記得佢主要負責check我打過既會員資料~
結果好多錯漏呢~~ 哈哈~
當時佢唔識中文輸入~ (跟爆左佢添:p)
所以唔駛做電腦工作~

初時認識佢~ 覺得佢好好人~
仲日日一齊坐係會議室食飯~
大家都好鐘意笑~ 所以成日有講有笑~
放工都一齊搭公司車添~
我仲記得當時我地既上司叫Susanna~
大家都覺得佢個樣好似張柏芝~ haha~到6月21號~ 我離職~
因為呢份只係實習一個月~
而佢就繼續做到6月尾~
就係咁就結束同事既關係~但之後~ 我地都有keep住聯絡~
佢生日既時候我送左個CD架比佢~
佢收到後好開心~ 仲好用得著~
因為佢係勁愛聽歌~ 買左好多CD收藏~相識既頭幾年~ 我地用書信聯絡~
寫既內容好鬼長~ 我同佢都會動用4-5張信紙~ haha~
而且亦會約出黎行街、食飯~
無所不談~ 總之話題多多~ 有講有笑~
近呢幾年都賴寫信~ 就會用電話講~