惡性循環
17/5/2007(四)
星期一，見左三份工，
星期四，見左一份工，
見完之後，都有唔開心既感覺，
話就話份工係略懂普通話、略懂英語、
但其實．．．都要你良好．．．
今日下午見完工，
竟然走去Wall Street Institute度，
Test自己D英文水平有幾高，
結果只有6級，
程度係唔及中五．．．．．．
讀一年，學費要差唔多成兩萬蚊，
有資助一萬，但要考試合格先得．．．
突然覺得，自己既Level，
真係好低、好低、好低．．．
而家D文職職位空缺，
進出口貿易既行業請既比較多，
自己其實係未做過呢個行業，
一遇到呢D行業，
英文同普通話一定要睇到、講到．．．
但好可惜，我Language方面實在太差，
唔識講英文，唔識聽普通話，
話就話4年文職工作經驗，
但其實，都係白做．．．
好想呢一刻暫時停低工作，
做返一個學生，去讀英文、IVE，
讀完之後，肯定搵工唔使就住就住！
可能大家一見到呢件事，
就會諗，好易解決姐～
去進修下咪得lor～
又或者搵到份工，撥D錢去讀書都得丫～
但冇人會知道，我屋企係窮得好顯嚇！
6年前爹地同媽咪離婚後，
就失左蹤，家用冇俾，媽咪當佢死左，
變左我同細佬去擔起頭家，
媽咪將細佬俾既錢，會留起佢作養老，
而我既錢，就真係作家用，
所以佢撥俾我既錢，係好少好少，
夠搭車、夠食、買少少野，
讀course係冇可能既事，
媽咪唔會俾我讀書，覺得我得到既錢，
最好俾晒佢，唔俾我駛，
將我既前途、將來、生活完全斷送！！
睇到呢度，大家實會覺得，
有冇親朋戚友可以幫到手呀？
答案係，冇．．．
係媽咪自己唔去見面，
而且親戚既野，各有各負擔，
幫得幾多？？
再睇到呢度，大家又會覺得，
有冇諗過取綜援呀？
答案係，冇．．．
媽咪唔肯申請，怕麻煩，
而且要自食其力．．．
我一向都覺得，錢只不過係數目字，
只不過係身外物，仲可以當係萬惡既東西．．．
但而家，我真係覺得好重要！
自己又有皮膚敏感，要去醫呢個病，
又要用幾千蚊先醫好．．．
我覺得呢一刻，醫病同學英文真係要做架！
唔做，我又可以搵到份好工嗎？？
但呢兩句，相信都只係白講，
根本冇資本去做．．．
最搞笑既係，細佬都只有中五程度，
但好耐之前，媽咪竟然要求佢讀course，
唔好做D咁無聊既野．．．
佢從來冇叫我讀．．．
岩丫～一個男仔得中五程度，
點出黎呢個社會撈？？
其實媽咪緊張細佬多過我，
佢當我，只不過係搖錢樹．．．
就算俾我真係搵到份工，
俾家用，駛D基本錢，
平平談談咁過活，
但自己既Level係唔會有進步～
只會惡性循環．．．
而家既我真係好Down，就黎變得消極～
距離搵社署求助時間不遠．．．
回應(6) | 回應的RSS | 暫時未有引用通告| 
(0)
2007 五月 18 at 11:54 am 窮真係一個很難解決的問題。報唔到course咪多D睇明珠台、多D睇英文書，多D同英文好的人講英文囉。如是者普通話也是一樣，反正語文係唔會係一個短時期谷得到的。
我以前夠想讀大學啦，但屋企實在太窮。
至於上一代的感情問題，下一代根本理唔掂，所以都係唔好諗咁多，越諗會越煩。
2007 五月 18 at 9:00 pm 漫柔:你不要放棄
我都唔好得你幾多咋
我都係因為太窮， 所以沒有機會讀大專
一早讀完預料就出來打工， 要養家
我讀中五時， 我老豆都退休了
所以我在讀書的時， 已經有好多的壓力了．
不過我又唔係好agree 你話唔做野，讀書．
一來， 你做得幾年野， 返去讀書， 要有錢支持到先． 二來人地個個的年齡同你又唔同， 唔知夾唔夾到 ． 有機會d 人眼看看你． 我覺得你邊讀邊進修好d.
你申請左政府果1萬蚊資助基金未呢?
如果未，你可以去申請，如果你讀完，及格
就有錢refund 番， 那等於唔駛錢有得讀
如果想讀平d course , ive 的都得． 不過時間好長， 出面hku , cu 果d , 時間短，可以早d拿到張cert 去增加自己的cv 內容
你可以考慮一下
Wall Street Institute 那一間真係麻麻地．
我有朋友讀過， 唔多好．
最近醫院果d 都請文員， 都有成八九千蚊的． 果d 未必要求要你要普通話，你可以try try .
雖然唔知你是否信耶穌， 我會為你代禱吧
加油， 我相信一定會有出路， 只要心不死!
可以的話，同你msn 講下， 認識多個朋友都好.
2007 五月 19 at 5:39 pm 不如積極 d 諗，進修語文，都唔一定要報 d 好貴既 course ，平時睇多 d 英文報紙，留意下人地既用字同 grammer，睇多 d 英文節目/電影，都對英文程度有一定幫助。再唔係可以睇下各間大學既校外進修課程，我諗應該會比私人機構平少少。
其實你有無同你媽媽講過你想進修？我諗講出黎會好 d，如果講左都無用，你可以考慮唔俾咁多家用，反正你細佬 d 錢，佢會用黎儲起...
2007 五月 20 at 11:12 pm 或者柔媽想自己往後生活好過啲卦，所以先至收埋做私己錢...不過佢唔理觧呢家女性都要配合係知識型社會，唔肯撥費用俾妳學習，似乎固執左。
所以同意winter同菠蘿油公主嘅建議，想學英文未必一定要用錢報名，惟有睇多啲英文台，搵自己有興趣嘅節目睇，望少啲字幕，仔細聽下留意下內容，就自然會理解多啲英文；亦可以趁有時間搵工嗰陣，去圖書館搵下啲由淺入深嘅英文書/雜誌，去CD架借英文流行歌聽，咁樣又可以接觸下英文，再配合埋一本字典，睇下聽下又揭下，咁又入左腦喇。
如果有野可以幫到手嘅話就call我傾啦，我會盡自己能力幫忙，唔想妳繼續down落去呀......
奸爸爹~早日搵到好公司同搵到份好工~~
2007 五月 21 at 4:03 pm 小O、菠蘿油公主、Winter & 島野香~ 十分感謝你地既留言!!
又係既~ Language既野~ 使乜俾大量金錢去讀呢?? 你地提供既意見係正確既~ 我會去做~ 希望自己既英文有進步~
目前自己可以解決既問題~ 就要搵到工~ 讀course既野~ 冇錢唔好諗住~ 要遲一步先諗...
至於自己唔能夠解決既問題~ 例如屋企人既磨擦、家用分配既問題、自己以後生活既問題...... 真係要搵社工求助~ 再唔去解決~ 我怕頭家真係會散......
2007 五月 21 at 10:04 pm 其實我覺得讀書都幾重要. 如果真係要讀, 我都建議你早d
因為有多張cert 放在cv 上, 見工都幾會多d.
你應該真係同你媽講下, 話時話, 你到底apply 左政府果一萬蚊資助, 如果未. 唔好waste ar . 政府錢, 你唔拿, 人地果班大陸人都拿
屋企人既磨擦、家用分配既問題, 我都有這個問題. 好多時間都會為這個事件嘈
好似今日講報稅問題, 已經出左來. 因為有人earn 錢多. 要拿多d 人頭去減稅, 但佢比得少錢, 我比得多, 但又冇得拿多d 去減稅. 唉~
如果真係唔得, 你要真係找下社工講下心事都好.
因為好多事係我地都處理唔到. 不過同朋友講下都係一條門路
你有時間add我msn - ahinu_pekkle@hotmail.com