何必要咁做?
13/5/2007(日)
母親節當日，我終於都講左俾媽咪知．．．．．．
好彩佢冇好大反應～
因為俾另一件事更加影響到佢～
(媽咪，辛苦你喇～)
媽咪為左阻止細佬同佢女友一齊，
不惜用盡方法，令佢女友驚左佢；
可惜細佬仍然堅持，
又係為左唔俾媽咪阻止，
搞到要下跪，迫佢應承成全佢地；
為左tump佢女友，
就算凌晨都會飛出去搵佢，
有時細佬既行為都幾瘋狂．．．
而家媽咪竟然話，
既然細佬選擇佢女友為終生伴侶，
就決定要剔除佢個名，
趕佢走，唔俾佢係度住．．．
如果細佬一走，得返兩個人，
間屋就會被收返，
到時如果真係搬，就唔知搬去邊．．．
我話，我依家冇野做，風頭火勢，
仲要搞D咁既野？
媽咪極度嫌棄細佬女友，
係去到一個有佢冇我既地步．．．
呢一個月，媽咪同細佬關係，
非常之惡劣，完全冇溝通，
如果一開聲，就會好似火星撞地球咁，
我禁唔到佢地，佢地完全唔識一人讓一步．．．
夠喇～
(0)