荃灣、屯門一日遊
12/5/2007(六)
呢日暫時停一停搵工，盡情地遊覽！
最後一日扮返工，朝早搭巴士去荃灣，都有幾個月冇去行喇～
其實主要都係為左去城市中心既金禾度打機，
果度環境最舒適、又便、D鼓又唔會壞．．．
十點就入去玩，就係因為太便，$2一局，
玩左五、六局已經打到好累，留左一個鐘就走喇～
絕對有時間行埋其他商場～
結果抵擋唔到條長裙既誘惑，Only $29!!
下午就約左Michelle & Alex去屯門，
可能我係新界東人，完全唔知有「全日通」票呢樣野，
俾$20就可以任搭西鐵+輕鐵+接駁巴士，好抵呢！
半個鐘就到屯門～掂呀～
當時我既童年、少年時代，就住在元朗，
每逢假日就會一家人去屯門玩，好熟悉呢個地方
自從做左新界東人後，已經變得好陌生．．．
我地一去到屯門，其實lunch都未食，
我地落完西鐵站後，行出去無耐就係屯門市鎮公園，
大家就走入去搵個爬蟲館係邊～
沿途都有影左D相～
細細個掛住去玩遊樂場～都冇特別睇D花花草草原來咁靚～
終於到爬蟲館喇～門口好靚～
一入到去既場景～
分享下D蚚蜴相同龜相先～佢地顏色好鮮艷～品種好特別呢～
嘩!! 勁保護色呀!!
脫皮中~
超大隻巨龜呀!!
兩條巨大蚚蜴係度對坐~ 係咪傾緊偈呢??
嘩!! 條蛇勁青BB呀!! 係度訓緊覺完全唔郁~ 名副其實既「打蛇餅」!!
特別鳴謝Alex幫我將相機調較最佳微距黎影~ 特別清~ 顏色又鮮艷~
睇下條巨大蚚蜴個身中間幾肥!!
如果放晒佢地出黎，咪會攪到個公園立立亂？講笑～
佢地都係好珍貴既動物～令次真係大開眼界呢～
跟住出返黎，見到個公園又靚，就影人相～
之後大家都肚餓，去食大母指既下午茶，
果度環境靚就靚喇～但要等好耐先有得食～
下次唔去～去隔離果間～
下一站就搭K53去黃金海岸！！
呢個就係行入黃金海岸既小徑～左手面入去就係商場～
我地先去買野飲，呢個就係黃金海岸既惠康～
唔係呀麻？買一支零系可樂只需$4??? 勁便啊！！
同埋果度既麵包都係好便，便過晒出面！！
總之黎到呢度先買啦．．．．．．
黃金海岸商場
我地行過去海灘～途徑遠處既黃金海岸酒店～
終於到左黃昏時份既黃金海岸海灘喇！！好廣闊～好靚～
D海水好輕柔地湧埋黎~~~
Michelle話呢度係人造沙灘喎．．．．．．
我冇帶泳衣，所以冇游水，Michelle & Alex就有～
咁難得黎到呢度，當然有自己個人照啦（做左頭像）
佢地游到太陽落晒山～我地就去番市集果度食晚飯～
西式既餐廳～但就可以食中菜～我果餐價錢仲只係$26～
就可以食到大碟既飯＋冬瓜蕩～咁抵食，去邊度搵？？
真係估唔到，以為果度係高檔地方，所有野就好貴～其實唔係～
識得搵仲可以便過出面～實在太好喇～
今日真係玩得好開心！收獲豐富呢！
多謝Michelle既好介紹！日後多D黎瀏灠下新界西先～
回應(15) | 回應的RSS | 暫時未有引用通告| 
(1)
島野香