難得既維持
16/4/2007(一)
呢日返工唔使打Quo，好耐未試過呢～
所以做番對單～好彩都冇唔記得要做咩步驟～
但下午對對下Winnie叫我去銀行入票，
嘩～勁多人～間間都企晒出黎～
唯有搵最少人既東亞、永亨～
中銀唔駛講，排好耐～咁多人排隊～
Deposit既counter得兩個．．．
仲有第三個係吉既～
搞到有人鼓燥～抵佢既．．．
夜晚上廣源中心開組，又講下未來既方向．．．
我地打算6月尾搞「親親小墨魚」～
會去西貢租船出海，但對象再唔係年青人～
而係親子．．．
記得上個月中我服務一班小朋友玩攤位～
果陣溝通方式、服務自己都好耐未試過．．．
我真係好想同組員講，
唔好只係為左聚一聚，為左zip時間而做義工～
唔能夠為年青人服務，
就要好好學習點樣同不同層面既人溝通同服務～
我咁諗，係因為仲未好識點樣serve家長、老人家．．．
成立左M2001義工小組到而家，就黎識左「七年」喇～
可以維持到而家，真係好難得．．．
(0)