Happy Valentine^^
|
|
願天下有情人：情人節快樂^^ 13/2/2007(二) 下午返工，起初好平靜，可能平日啦～但之後越黎越多人，堆埋一邊，果度就係「蛋糕模工具」喇～上星期先翻貨冇耐，例如朱古力心形膠模、心形錫紙、糖果袋、蛋糕紙盒等，但今日已經俾人買左好多好多，D膠模幾乎買清（每一塊成$33，有幾種款式都買到九九十十），遲黎既客被迫買錫紙模，連紙盒都冇乜剩．．．正常既～情人節丫麻！D客大多數反而係學生、年青人、年輕情侶或夫婦，老一輩果D係冇既～整下蛋糕、朱古力，不知幾正！ 唔止蛋糕模，仲有其他貨，例如水煲，Buffalo同Kinox呢兩隻牌子，呢排成日都有客要，每日起碼入倉取幾隻新，結果到今日已經冇晒貨，試過有客連陳列品都要埋；仲有D膠筷子，前兩日已經俾客買到冇乜剩，成日都有客問我D玉色去晒邊、紅色去晒邊、每個客都有唔同要求個喎～ 今日終於有得翻貨，但D貨翻得唔係咁好。首先「京都」牌玉色筷子係最多人揀，偏偏翻成一百包「中華」牌玉色筷子；仲有D漆油顏色筷子，係好靚，但明明冇乜人買偏偏又上多幾十包，做埋D蝕錢生意．．．我相信過多個幾月實仲係到姐～哈哈～ |
(0)