但唔可以咁樣~ 我要返返黎~

我要係呢度提返起興趣!! 

屋企真係超難上網~

去圖書館上網~ 時間又有限~

自己係電視迷~ 冇朋友同我一樣鐘意睇電視~

只好係咁上討論區睇網民既意見……

其實今個暑假~ 我除左去書展、動漫展之外~
試過約朋友食下飯睇下戲~

仲有上個月我為左一樣野~ 曾經係好15,16~

最後唔成事~ 但冇問題~ 一切都回復平靜……

學校份工對我黎講已經成為過去~ 係8月初既事~
係佢地叫我走既~ 我承認我有出錯既時候~
不過就算佢地唔叫~ 我都會遞信~ 只不過比佢地行先一步~

我明白出黎社會做事~ 遇到一D難頂既人所在難免~

但我呢個位~ 好多同事都知係最難做~

年年走人年年請~ 換到換左5,6個~ 所以我冇遺憾……

我由8月搵工搵到而家~ 都只係見左一份工~

而家既經濟環境真係好差~

好多網民平均要幾個月至大半年先搵到份工~

自己都要生活~ 有既積蓄都唔多~ 唔頂得好耐~

我心裡不禁擔憂起黎~ 但擔憂得黎都唔可以放棄~

自己都要鼓勵自己~ (好慶幸自己總算樂觀)

記得好耐之前~ 有位舊同事知我生活環境~

佢話我做文職~ 唔係一個辦法~

佢仲話識一D累似我既朋友~ 需要賺多D錢~

但都唔係做文職……

至於係咩職位~ 我而家已經唔記得~

我好明白自己既料子根本唔夠水平~

需要去讀書增值~ 先可以同人競爭~

如果我繼續去做文職~ 只會原地踏步~

唔會越做越多~ 有可能越做越少~

如果讀IVE課程~ 例如電腦咁~
有個degree出黎~ 搵8k-9k一D都唔難~

又或者如果做警察~ 護士~ 救護員呢D政府工~

先training廿幾個星期~ 加入後搵10k+就得~

又或者做鋪頭sales~ 一日企10幾個鐘~

斷六親~ 搵8k都算接近既……

(以上資料純粹係想搵更多錢既工~

但都要有經濟支持先可以做到既事~)

好希望可以有日中六合彩~

唔諗幾百萬喇~ 中幾十萬都好丫~
咁我就可以用呢筆錢去讀IVE~ 讀英文~

又可以去下旅行~ 認識多D世界~

日後搵工就可以搵過萬!! Yeah!! (發夢中)

好多人企晒係度~

男女老少都齊齊睇~ 睇咩呢??

佢地都望晒影音店門口個電視度~

睇唔睇到電視入面果個係邊個黎呢~~

其實呢間影音店~ 店鋪入口掛左部大電視~
會播電影或者演唱會既demo~
好睇既咪有幾位黎企係度睇~
但咁多人睇(起碼20個以上)真係第一次見……

MJ既魅力果然大小通吃:P

對我黎講~ MJ我只係聽過佢一首歌~
就係you are not alone~
同埋知道佢經常整容~ 知道佢之前惹官非~
從來未睇過佢既MV同快歌~
對佢既認識真係非常之少~

知道MJ過身~ 我係好驚訝~
討論區不停講佢消息~ 佢既info~
上星期五果晚我都轉台睇pearl~
睇MJ既DANGEROUS音樂會~
原來佢跳舞係咁正~ 我都叫晒出黎~
佢D快歌我都有fing頭~
佢D fans真係瘋狂到……(睇到暈左被抬出黎都有10個8個)

真不愧係KING OF THE TOP!!

上星期六都特登買左報紙~
收藏下佢既資料同照片~
覺得廿幾歲既佢係最靚仔~
我相信佢冇漂白皮膚~ 冇搞細路~

呢幾日再次聽返you are not alone~
眼淚已經滿佈雙眼……

失去左先黎珍惜~ 真係好難戒~

係一個好唔穩定~
又或者冇得上網既生活~
有時係感到好唔方便~
呢個月我都係掛住追劇集~
冇咩特別地方去~

過埋今日~ 又做壽星女喇~
我會盡量做到心境同真實年齡輕~
唔想自己太成熟:P
另一方面~ 每年到左呢個日子~
自己越黎越鐘意簡簡單單咁過~
唔需要大晒~ 亦唔需要好多既禮物~
一句既祝福~ 已經令我好開心~

以住我對六四件事~ 係完全唔知咩事~
但近排電視講得比較多~ 而且今年又係20週年~
唔知都變得知知地~ 睇下維基百科點講先~

對上一次租單車果時~
竟然係8年前既事!!
當時同一班組員~ 30幾度既高溫~
由大圍踩到去大埔~
用左成幾個鐘~ 都咪話唔辛苦!!

不過今次自己踩返~
由於4點先租單車~
所以由沙田做起點踩到大埔~

原來由沙田踩到黎呢個位置~ 只係用左3個字~

果陣有太陽~ 但唔猛烈既~
而且今日天氣都係廿幾度~
最適宜踩單車架喇~ 如果今個月唔踩多D~
之後30幾度既高溫咪搞!!

今日話晒都係假期~ 實有好多人租單車!!
而且呢條漫長單車徑多左好多休憩處!!

邊個將部單車訓左係度呀??

中途有D野食下唔出奇~ 但我唔會幫襯呢個雪糕~
覺得佢好軟~ 好油~ 冇咩質感可言~

要繼續向前進喇!!

呢一塊遮板真係好靚~ 難怪坐到滿晒~
(亦唔介意同呢隻英文字為伍:P)

 

前面落斜啊!! 正!! 最好玩同刺激!!

 

呢個白石角海濱長廊~ 感覺真係好潔淨~ (後面就係馬鞍山喇!!)

我最鐘意呢幅相~ 科學園既單車徑就係咁喇~

 

睇下幾多人係呢度踩單車!! 見唔見到塊牌寫咩??
係叫「您想食府~ 近在咫呎」~
其實科學園係有食肆~ 仲要係好好食果隻!!
你可以係果度食個tea之後繼續踩都得~

 

講開科學園~ 其實我上年10月去果度玩科技展~
當時影左好多相~ 就係因為懶~
所以完全冇將件事同大家分享添……

可以係一度咁高科技既地方~ 加番條簡單既交通工具~
再配合D植物~ 好有環保感覺!!

 

經過科學園後~ 我繼續踩下踩~ 踩下踩~
中途不時有休憩處~ 甚至小食部等等~
亦種左D小樹等等~ 所以係唔荒蕪既~

 

話咁快我就踩到去大埔喇~ 記得租單車果位阿姐話~
由沙田踩到大埔~ 2小時搞掂~
但結果我只係用左1小時就搞掂喇!!

 

5點鐘已經踩到黎~ 仲有2個鐘~
冇理由唔用埋佢丫??

而且我又唔覺得攰喎~
於是就踩埋海濱公園!!

(115687.jpg )
呢條其實已經過左個海濱公園~
但果度都屬於個範圍~ 好似叫海濱長廊~

 

呢個就係我既坐駕喇!! 阿姐話係新車黎~
我試踩幾下已經控制到喇!!

海濱長廊既盡頭~ 原來係水陸墟~

但果度做乜真係唔知~ 只係知道係盡頭~ 要折返~

 

之後我就踩返轉頭~ 來回都只係半個鐘多D~
就由海濱公園踩到太和火車站~

又踩到盡頭喇~ 只好由呢度踩過去大埔墟火車站吧~

 

係呢度交車~ 都只係6點鐘~
其實我係預約7點先交~ 但已經冇咩地方踩~
(就算有例如去大美督驚唔夠時間)

踩2小時~ 但就俾左$95~

($75租全日~ $15大埔交車~ $5籃)

係唔抵架!! 我預左豪俾人~
始終我太耐冇租麻~ 欠缺經驗~

 

今日可以租下單車踩~
真係好開心~ 覺得好寫意~

而且天氣唔太熱~ 冇咩流汗~

不過手板紅晒呢~ 好彩冇甩皮咋!!
同8年前既單車徑比~ 變左好多好多~

起碼當時冇科學園~ 冇咁多休憩處~
真係好荒蕪架!!

 

我實會再租多次去玩~
沙田踩去大埔唔夠候~

要大圍踩到大埔~

又或者試下大美督條線~

就係呢隻喇~ 好細粒架咋~ 隻殼都有少少斑紋~
睇下佢只突出一條眼~ 好似窺探中……

中間有舊黑色兼條狀~ 就係佢D便便喇~
可以見到有保鮮紙係度架~

之後幫蝸牛仔搬左第二度呀~ 擺晒D新鮮菜俾佢食~
佢伸出兩條眼晴~ 但個身唔突出黎~ 好得意~

蝸牛仔對眼就算唔伸得晒~ 都覺得好精靈呢~

蝸牛仔唔怕跌親~ 伸個頭仔出黎以下望~

咁多幅相之中~ 最鐘意就係呢幅~ 佢好鐘意周圍望架

亦好鐘意周圍爬高爬低~ 睇下佢個頭頸身伸得幾長~

蝸牛仔準備想做咩呢??

原來玩sir滑梯呀~ 睇下佢既身驅又長又滑~~

蝸牛仔仲識望鏡頭架~ 擺晒pose添~

有時覺得佢果兩條眼好似電線杆咁~ haha~

睇下佢身形幾圓渾~ 仲有佢對眼電線杆變兩點~ 好可愛呢!!

日後再有佢近照~ send俾大家分享~ 

點知發現左一隻蝸牛仔!!
我郁一郁佢~ 佢伸出兩條眼仔~
我有D驚架!! 但都好大膽~
依然將部份既菜拎出黎洗兼食!!
菜芯真係好好食~ 食完都冇肚痛:p

跟住過多1,2日~ 剩返既菜已經唔綠~
我掉左D菜~ 隻蝸牛仲未死~
仍然伸出兩條得意既眼晴遊下~ 遊下~
本來想掉埋佢~ 但又唔忍心喎!!

於是我拎佢出黎~ 放落個膠dou度~
俾左D紫菜 (當時冇野俾佢食啊)~
加左D水~ 膠dou上面鋪左塊保鮮紙~
用針吉多個窿窿~ 防止佢逃走~
就係咁佢暫時做左我既竉物喇!!

除左紫菜~ 我都有D爛爛既生菜~
俾幾小塊佢食~ 但佢唔食啊!!
有D驚佢會餓親~ 今日係養佢既第二日呢~
明天真係要買D新鮮綠葉啊!!

得閒先影下佢幅相~

而家我屋企上網~ 仍然都好唔穩定架~
嚴重既可以幾日都上唔到網啊><

係呢件毒品事件上~
相信大家都知佢下星期會提堂~
至於係咩毒品~ 份量有幾多~
都未有好實質既資料~

點解關生之前話自己D大麻係由香港帶過去~
最後日本決定唔起訴佢~ 可以無罪釋放呢??
佢返到黎香港~ 講左一大堆既道歉同悔疚~
但對件事既來龍去脈就隻字不提~
到底佢地去果間便利店~ 係咪真係去偷竊??
定hi左野大家未清醒呢??

另外~ 報道話警方係衛詩行李搜到10幾包粉~
當時我都好驚訝~ 呢鋪真係好大鑊~
都預左佢會被起訴~ 要坐花廳~
但我想知道呢D粉佢係由香港帶黎定日本買??
如果係香港帶黎~ 即係帶貨啦~
邊個俾貨佢?? 佢去到日本會俾邊個??
唔信佢會自己一個人食晒lor!!
定抑或係俾佢D朋友分享????(例如果2位男歌手)

無論邊度帶黎都好~ 我唔信關生會咩都唔知lor~
如果唔係佢係記者會點解咩都唔講??
衛詩唔識日文~ 王生話晒係”日本通”~
如果佢係日本買既~ 問邊個買??
王生真係咩都唔知??
今日有報道話佢一見到記者~
即時驚青兼走夾唔頭~
係冇事既做咩咁做?? 佢好可疑……

老實講~ 我係好鐘意衛詩既~
佢既音樂風格~ 充滿南美風情~
係香港樂壇黎講好少有~
起碼唔會被人話係偶像歌手~ 點都有D實力~
而家搞成咁~ 我係有失望架~
佢係唔自愛~ 將自己既前途斷送~
香港樂壇損失左個歌手~ 唔知幾時再聽到佢唱歌~
不過我唔會憎佢~ 唔會話佢”抵死”~
做錯事要接受懲罰~ 坐花廳其實都係幫佢~

還掂都要坐架喇~ 我覺得衛詩有咩可以講出黎~
如果唔關其他人事既~ 就要承擔責任~
但如果其他人都有份既~
自己一個頂晒~ 唔係最偉大~

例如ABCDE~ 齊齊去銀行打劫~
警察去捉佢地~ 結果捉到B~
兼搜到贓物~ 但ACDE冇贓物~
兼走甩左~ 難道只有B有罪~
ACDE就冇罪??

**以上係我既個人意見~ 不喜勿插!!