尋日星期六~ 我係返9am - 5pm~
結果放工時間係7:30pm~~~

我而家對工作上~ 係感到有壓力~
係有唔開心既感覺~ 我最唔鐘寫daliy schedule~
又好似以前返global公司咁．．．．．．
而家每日返工~ 第一時間就check e-mail~
跟住打daliy schedule~ 又要接電話~
接完電話又要打返落表~ 打完daliy schedule又要e-mail俾linda同楊副主席~
做呢d野就要用成個鐘~ 成個鐘後先可以正式工作~
放工前又要補打返incoming call~ 因為接電話通常抄notes~

冇計~ 鬼叫我自己一個人工作~
秘書同副主席實要知我做緊乜~
仲要寫幾時完成~ 幾點完成~ 仔細到不得了~
阻我工作~ 阻我收工~
做每一樣野都要記錄記錄記錄~
記錄好晒~ 年尾就會同我評分~
同年終獎金有掛鈎~

linda有時對我好嚴~ 用電話說話佢講野好有骨~
但佢正式落黎見我果陣就好好笑容~
變化可以咁大~ 佢話我有唔開心既一面~
唔應該咁講~ 應該話燥多過唔開心~
工作有壓力~ 係正常架~ 心情唔好~ 都正常架~
一定要我開心?? 我心情要點樣點樣佢都要知~ 都要管??

唔知點解我放工後~ 好自然地喊過4次~
可以唔慣呢份工作啦~ 一間私人屋苑~
有法團~ 管業處~ 會所~
管業處係under法團~ 所以管業處做既野係要管~
要處理既事項就複雜非常~
而且~ 獨立生活~ 獨立工作~ 所有野都係自己黎~
有時~ 真係好累~

我真係唔想自己一個由水人~ 變成一個火人~

好耐冇黎呢度添!!
因為我冇去圖書館借電腦成一個禮拜!! 抱歉抱歉!!

呢一個星期~ 冇電視睇~
睇唔到「爸爸閉翳」既結局篇~ 非常可惜~
亦有段時間冇聽收音機~
淨係執野、清潔、仲有個「食」字!!
去買材料、煮、食、洗~
完全係一個人自己做晒~
做得攰就坐係度發呆~
坐好耐果隻~ 浪費時間~

由今個禮拜開始~ 我會多d借圖書館電腦先~

呢幾日都好忙~ 不停執自己野~
原來我自己野多之餘~
要掉既垃圾可以有十幾袋咁多~ 呵呵~
今個星期日上午~ 我就會搬喇~
搵左幾位小組朋友幫我~ 真係好多謝佢地~

上星期~ 繼續搵地產睇盤~
發覺粉嶺、上水既套房都係二千幾蚊租~
亦都明白到底樓層係會貴d租~
高樓層係會便d租~ 因為要上樓梯麻~

之後都係考慮返大埔~ 近d丫麻~
問過地產~ 原來租房真係要快、狠、準~
大埔墟原本有$2000租~
24/8(五)朝早收到call~ 下午過去~
點知就話俾人租左~
隔幾個鐘姐~ 使唔使咁快手??
呢d野有時係會令人精神分裂~

不過~ 佢當日都介紹左另一個盤~
$2400~ 新裝修~ 但單位冇窗~
兼比較少~ 我問$2300得唔得~
業主唔肯減~ 咪唔租lor~

之後地產都介紹左另一個盤~
要夜晚七點先睇得~ 因為有人住緊~
上到去單位大d~ 廁所夠大~ 感覺良好~
原本$2500~ 我話要減到$2300~
業主應承~ 於是果晚已經落左訂~
完全係即日放盤~ 即日落訂~
2/9(日)會搬~

單位雖然有人往緊~ 但8月尾佢地會搬走~
果度新裝修~ 而且距離大埔墟街市好近~
行去火車站唔使兩個字~
而且街坊式鋪頭林立~ 購物好方便~

9月開始我就有一個屬於自己既小天地喇^^

呢幾日~ 我既消息變化都幾大．．．．．．

先係「宿舍」~ 15號知道長沙灣既曦華樓~
9月初可能會有位~ 果刻覺得~
可以暫時搬出去往~ 養好身子就好啦~
點知果邊竟然定左一個規舉~
就係唔俾我「煮食」~
果間單人房仲要係特別位~
果層只有浴室~ 冇廚房~
社工話叫我只好每日出街食~
而且已經限定我只能夠住「兩個月」~

又有好幾日我冇上mo記喇~
因為我部電腦又down左喇~
今次係連window都入唔到~
情況幾嚴重~ 真係需要搵人睇~
我要返中心先可以上到MO記~

其實~ 我而家屋企經濟情況真係好嚴峻~
冇啖好食~ 真係會肚餓~
所以根本冇錢整電腦~
或者大家認為~ 我去搵野做咪得lor~

係時候真係要講下我近況喇~

16/6(六)

夜晚去舊同事屋企玩同食Pizza~
雖然冇見半年~ 但大家樣貌都係冇乜點變~
阿聰屋企果然係正~ 位於荃灣北爵軒~
無論走廊同門~ 都好奢華!!
有開放式廚房~ 傢俬完全新款新淨~
總共有10人~ 我地都係打PS3同睇戲~

17/6(日)

下午打去Centralfield反映Harddisk情況~
總之係經常自動reboot~
佢話叫我明天拎返去整~
format晒去~ 再裝window~ 上網~ 下載野~
睇下有冇自動reboot情況．．．．．．