回復正常
等左1個星期~ 15號既下午~
終於都可以返到公司喇!!
老細終於再冇藉口喇:P
入office果一刻~ 係感到高興既~
更開心既係~
同事話唔會離開公司~ 太好喇!!
相信結束唔會發生~
一切暫時都無事……
回應(3) | 回應的RSS | 暫時未有引用通告| 
(1)
一切順利
剩返唔夠半個鐘去打呢個post．．．．．．
其實~ 公司係完全可以俾人上網~
玩msn都冇所謂~
甚至乎有2,3日既下午我係完全冇野做~
佢地出左去做野~ 由得我上乜網都得~
但都冇上mo記=.=
因為~ 唔想俾公司知我呢個blog~
亦都唔想分心走去玩MSN~
我係咪好傻??
(閱讀全文)
回應(4) | 回應的RSS | 暫時未有引用通告| (0)
一切還好
上一篇雖然未完成~
但都係度簡單咁講~
我29/10已經返新工喇~
可以話鬆一口氣~
公司係代理隱形眼鏡~
d野唔難做~ 都係執貨~
pack件~ 好少用電腦~
好可惜公司係「完完全全」冇得上網~
搞到我冇上網成兩個星期……
好難得今日先抽到少少時間~
去圖書館借電腦~
總之~ 我一切安好~
好希望快d買部新電腦~ 咁我就唔使脫節了~
回應(2) | 回應的RSS | 暫時未有引用通告| (0)
水變火
尋日星期六~ 我係返9am - 5pm~
結果放工時間係7:30pm~~~
我而家對工作上~ 係感到有壓力~
係有唔開心既感覺~ 我最唔鐘寫daliy schedule~
又好似以前返global公司咁．．．．．．
而家每日返工~ 第一時間就check e-mail~
跟住打daliy schedule~ 又要接電話~
接完電話又要打返落表~ 打完daliy schedule又要e-mail俾linda同楊副主席~
做呢d野就要用成個鐘~ 成個鐘後先可以正式工作~
放工前又要補打返incoming call~ 因為接電話通常抄notes~
冇計~ 鬼叫我自己一個人工作~
秘書同副主席實要知我做緊乜~
仲要寫幾時完成~ 幾點完成~ 仔細到不得了~
阻我工作~ 阻我收工~
做每一樣野都要記錄記錄記錄~
記錄好晒~ 年尾就會同我評分~
同年終獎金有掛鈎~
linda有時對我好嚴~ 用電話說話佢講野好有骨~
但佢正式落黎見我果陣就好好笑容~
變化可以咁大~ 佢話我有唔開心既一面~
唔應該咁講~ 應該話燥多過唔開心~
工作有壓力~ 係正常架~ 心情唔好~ 都正常架~
一定要我開心?? 我心情要點樣點樣佢都要知~ 都要管??
唔知點解我放工後~ 好自然地喊過4次~
可以唔慣呢份工作啦~ 一間私人屋苑~
有法團~ 管業處~ 會所~
管業處係under法團~ 所以管業處做既野係要管~
要處理既事項就複雜非常~
而且~ 獨立生活~ 獨立工作~ 所有野都係自己黎~
有時~ 真係好累~
我真係唔想自己一個由水人~ 變成一個火人~
(閱讀全文)
