岩岩睇完香港小姐選舉~
3號拎冠軍==

佢呢晚既表演好普通~
淨係睇科技果part睇到佢唔識講野~

係~ 佢個人係好高~
成178cm高~ 實有優勢~
但佢個人俾我感覺麻麻地~
如果佢取季軍、亞軍都算~
取冠軍?? 7號都好過佢啦!!

TVB口味轉晒呀??
年年揀Miss HK冠軍都咁咩既??

呢排凌晨12點幾播「衝上雲霄」~
我感到好高興~ 因為演員陣容強勁~
主題曲又好聽~ 純音樂更好聽~
內容講機場同飛機師好令人有專業感覺~

記得套劇大概03年尾至04年頭播到啦~
當時eason有首「兄妹」~
國語歌~ 已經覺得好好聽~
點知套劇播果陣~
主題曲竟然係廣東版既「歲月如歌」~
當時好唔慣~ 亦覺得唔襯果套劇~ (曲種比較抒情)
但之後漸漸覺得OK~ 仲好好聽添~
套劇有首純音樂 Aine - Phil Cunningham更正!!

有人話衝上雲霄會做II~
都過左幾年~ 仲可以做??
演員都唔同晒啦~ 好以吳鎮宇咁~
佢好型~ 而且好有味道~ 演得出神入化~
但會唔會返3色台做呢??
同埋陳慧珊~ 近排生左BB~
又唔知幾時先復出~
仲有胡杏兒~ 前後幾年都變左~
仲有阿lo~ 葉璇~ 都走左喇~
冇可能原班人馬拍架喇~

我唔知會否晚晚追呀~
但如果晚晚成點半先訓~ (睇埋歐洲國家盃精華)
都幾……==

呢幾日都有追「原來愛上賊」~
真係睇到我好鬼緊張!!
尋晚第19集~ 所有演員好入戲~
直頭媲得美電影!!
今晚大結局喇~
其實黎個bad ending都幾好~
人生始終有得亦有失~

呢個畫面真係幾正~
雖然兵與賊兩班人對峙~ 但大家有共同目標~
就係要將壞人制裁!!

最近睇「舞動奇跡」第二季~
第一季反而我冇乜點睇~
因為7pm做~ 根本趕唔切返去睇~
所以而家夜晚11點做好好多~

尋晚見胡定欣跳~
實在令我睇到不停歡呼~
估唔到佢跳舞非常投入~
亦都第1次見4位評判都俾10分!!
非常厲害!! 亦都因為咁~
都鐘意左”舞孃”同”金精火眼”既音樂~

呢個畫面雖然冇評判俾份片段~
但畫面質素係最好既~

尋晚睇過「一百萬人的故事」~
今次介紹貧窮兒童~
首先係「10蚊俊仔」~
兩母子相依為命~
睇完之後~ 有幾點勁奇怪!!

(1) 媽媽由爆炸頭變平頭
我就當佢拍攝果陣咁岩剪左頭髮

(2) 劉小姐同俊仔既「零用錢」對話
1個月有10蚊~ 儲7蚊~ 剩返3蚊買包糖~
學校邊可能買到3蚊1包糖呀??
7蚊儲黎讀書?? 都做得岩~
但儲5年都唔夠交學費啦~

(3) 俊仔被訪問時大大show個黑色LCD mon出黎
10蚊1個月有LCD mon??
有網民話佢有埋部PSP添~
(但我睇唔到……)
我就當個mon係有人送喇~
又或者買左之後就要付出10蚊代價卦~

不過!! 仲有(4)!!
呢一點我簡直係百思不得其解!!
大家請睇5:17分鐘~
俊仔身邊係show個「黑色」LCD mon~

但到左5:30分鐘~
俊仔竟然對住個「白色」LCD mon~
wallpaper仲要係千嬅!!

搞咩呀?? 睇到我好呆然呀!!
10蚊俊仔有2個LCD mon????
定係佢行去第2間房拍攝呀??
tvb要剪接~ 剪接得咁大漏洞架!!

有冇人知到底係咩一回事??!!

唔知大家都有冇睇開「古靈精探」呢套劇呢??
我晚晚有追開~ 好好睇~
TVB都話好受觀眾歡迎~ 唔知係咪因為咁~
竟然有間雜貨鋪貼個咁既招牌!!

D街坊咁識食住個潮既?? 哈哈~

自己其實都係電視迷一個~
所以TVB既劇集一直有追開~
劇情同編劇方面~ 無疑係一路進步緊~
有時估計都未必估計得到~

「學警出更」呢套劇~
我幾鐘意睇~ 不過又真係幾奇怪~
好多網友個個都唔鐘意某某演員~
但我唔會咁做~ 我會留意佢地好唔好戲~
好似徐子珊咁~ 佢扮男孩扮得好好~
亦好好笑~ 近來都冇乜呢類角色~