好鐘意呢幾日既天氣~
陽光充沛~ 人都精神D~
6月有成半個月都係落雨~
日日都落大雨~ 不過有一日~
大雨過後出現藍天喎~

6月11日影既~ 睇下D雲既圖案幾靚~

當時真係難得果下咁好天架!!

補返D相先~
兩星期前同島野香去禾輋商場~
五十嵐日本料理度食lunch既~

呢個係我叫既雞扒拉麵~ 連野飲都係廿幾蚊咋~
D拉麵一定冇和民咁靚架喇~
但麵既質感幾彈牙~ 都幾好食架~

跟住到呢碟鰻魚壽司~ $6碟~ 幾好食丫~

呢碟就係豬軟骨炒飯~ 好大碟架~
島野香真係揀得好~ 我試食一啖~
已經覺得D飯粒好香~ 有一定油分~
連埋野飲都係廿幾蚊~

而家出街食lunch~ 冇30蚊都唔得~
但五十嵐真係好抵食(其實都要+1)~
係一個咁平民化既商場度開~
都算係好特別!!
大家都食得好滿足~
島野香亦都好滿意五十嵐呢

話咁快~ 咁就3年了~
3年前既呢日~ 都仲記得少少情景~
不過同時~ 亦都冇見3個月……

過多一排~ 心意亦都用左3年……
有時真係好想擁有~
但有時~ 又唔一定要擁有~
等~ 已習慣了~ 所以冇話好唔開心~

見面少~ 又習慣了~
但最近~ 又好唔想咁樣…(不禁落淚添~)
究竟我係咪只係一片綠葉呢??

放心~ 我唔會嬲~
做綠葉咪做綠葉lor~
好過做一片枯萎左既葉~
但求希望可以開得更茂盛……

今次再加多D Kelly Concert既相!!
呢D相係朋友既同事影既~
佢坐$480呀~ 所以影得又近又清~
如果解像度大D~ 一定更perfect!!

呢排係紅館果度~ 掀起一陣Kelly熱~
今日係第5場~
其實~ 我早係上星期五13/6~
已經同朋友睇左第1場了!!

睇完之後個感覺幾好~
佢D歌~ 起碼有6成我識唱既~
特別係佢D跳舞歌~ 我期待已久~
雖然過左好多年~ 但到而家仍然鐘意~

至於搞氣氛方面~ 老實講一般啦~
佢既表演係叫做平平穩穩~ 不過不失~
而且果晚係冇嘉賓~
所以整體黎講仲未夠好high~

不過~ 佢既衣著造型~
我覺得好靚~ 好有趣呢~
咁樣黎搭夠返~ 都算唔錯啦!!

今次精選左20張相俾大家分享~
我勁Zoom去影影到矇晒~
所以多多包函喇~

我地又坐係山頂位~
見到舞台上既幕~ 鮮黃色效果夠搶眼~
呢個係正常咁影~ 冇zoom到~
所以睇Kelly都只得1粒米size架咋~

Kelly出場了!! 一身未來戰士look~~

呢排凌晨12點幾播「衝上雲霄」~
我感到好高興~ 因為演員陣容強勁~
主題曲又好聽~ 純音樂更好聽~
內容講機場同飛機師好令人有專業感覺~

記得套劇大概03年尾至04年頭播到啦~
當時eason有首「兄妹」~
國語歌~ 已經覺得好好聽~
點知套劇播果陣~
主題曲竟然係廣東版既「歲月如歌」~
當時好唔慣~ 亦覺得唔襯果套劇~ (曲種比較抒情)
但之後漸漸覺得OK~ 仲好好聽添~
套劇有首純音樂 Aine - Phil Cunningham更正!!

有人話衝上雲霄會做II~
都過左幾年~ 仲可以做??
演員都唔同晒啦~ 好以吳鎮宇咁~
佢好型~ 而且好有味道~ 演得出神入化~
但會唔會返3色台做呢??
同埋陳慧珊~ 近排生左BB~
又唔知幾時先復出~
仲有胡杏兒~ 前後幾年都變左~
仲有阿lo~ 葉璇~ 都走左喇~
冇可能原班人馬拍架喇~

我唔知會否晚晚追呀~
但如果晚晚成點半先訓~ (睇埋歐洲國家盃精華)
都幾……==

第1次聽~ 已經覺得勁好聽呀
Mariah Carey - Bye Bye