上個月尾~
收到朋來送黎既日本手信~

人形燒?? 另外細果包好似粟子^^

嘩~ 個餅樣印左人面~ 幾得意喎!!

原來果d係紅豆沙蛋糕~ 真係好好食呀^^

多謝朋友既手信啊!!

上個月28號~
就同小組組成義工隊~
去西貢釣墨魚!! 對像係親子~
呢晚幾好玩架!!

我又冇帶相機~
全部用手機影~
因為係夜晚~ 質素影得奇差~
所以請多多包函……

我地一行40幾人~ 坐旅遊巴入西貢~
我同po po坐第一排~ 所以好清楚影到西貢邊界~

我地落車了~ 地點係運動場門口~ 似乎遠左D~

我每年總有機會會入西貢1,2次~
呢個巴士站~ 真係好屬識~
前面既市集~ 仲熟識~

另一邊既惠民花園~ 依然冇變~

好耐冇上黎mo記添~
最近發生左2件事~
一件好開心~ 一件唔開心~
2樣加埋一齊都幾複雜~

以住打mo記~ 都係利用返工時間打既~
不過今個星期~
我同同事由8號到12號(連續5日)都冇得返~
條鎖匙係老細度~ 佢話會返黎~
點知日日都冇左件事~
我同同事日日都係度白等佢消息……
(所以因為咁~ 都冇得打mo記)

同事仲話唔做~ 令到我對公司既野充滿疑慮~
呢刻只係希望老細會返公司~
講下公司會有咩變動~
絕唔想結束既事係真~
唔理有咩困難~ 幫得到我一定幫~
只要有得做~ 有固定人工~ 就別無他求~

我要介紹一位~ 來自台灣既男歌手~ 盧廣仲!!

幾個月前~
睇youtube無意中見到佢模仿vitas唱腔~
(vitas本身我都識佢~ 聽佢唱歌都有幾年~ 佢係完美既~)
佢模仿到高音喎! 好犀利~ 亦好搞笑!
以為佢係玩玩下~ 唔係正式入行~
當時睇佢既look~ 有點驚嚇~ 哈哈!

但最近無意間~ 見到佢出左專輯~
仲係youtube擺著幾隻mv~
試下click入去聽~ 立刻被佢彈既結他聲吸引!!
之後聽佢一開聲~ 即時感到佢係識唱歌!!
好靚聲!! 好有實力!!
聽晒3首歌~ 全部都好正呀!!

佢冬菇頭~ 戴粗黑框大眼鏡~
著黃色T-shirt~ 短褲~ 白鞋+毛巾~
個look勁搞笑!! 呢D係咪搞卓頭呢??
其實佢個樣唔差~ 執一執都可以係靚仔一名~
佢個樣有D似se7en~ 方大同咁……
有D片佢唔係冬菇頭~ 即時順眼返晒~

佢就黎23歲~ 曾經被車撞過~ 幸好佢無事~
當時仲好努力咁練習結他添~
而家唔執look唔緊要~
只要佢聲靚~ 彈到一手結他~
都可以好紅~ (而家佢係台灣都紅了)

如果佢有一日黎香港~
上勁歌金曲獻唱~
唔駛執look去唱歌~ 實有話題~ haha!!

就介紹呢首~ 「100種生活」~
仲有「我愛你」同「好想要揮霍」~
一樣值得去聽!! 我reload左佢D歌都唔知幾多次了……

上星期六晚真順利~
去左西貢釣墨魚呀~
我有影左D相~
不過又係用手機影~
影得好矇添==

我下次先Post詳細內容~ 今日好忙

最近我朋友去完日本返黎呀~
send左好多靚相俾我睇~
尤其係食物~ 終極色香味俱全!!!!
我精選左D食物相俾大家分享~
包保大家睇完食指大動呀!!

原來係日本食野~ 真係幾貴~
起碼食一餐都要$100-$200架~
所以去日本~ 冇2萬蚊都唔去得啊~

以下既優質相片同內容係由朋友提供既~
請大家細心欣賞

先黎一碗叉燒豬骨湯拉麵~ 大約HK$80~
睇下個蛋黃漏到~~~~ 朋友話豬骨湯味極濃架~~

睇下呢5條鰻魚~ 啖啖肉~
見到都流晒口水呀!! 要過百蚊啊!!

尋日朝早~ 「風神」繼續”8″~
好野!! 唔使返工~~~~
再加埋紅雨添!!
之後掛番3號都唔駛返工~

因為下午返粉嶺覆診呢~
橫風橫雨~ 好刺激呀!!

呢度係粉嶺綜合治療中心大堂外面~

外面既樹同馬路係配角~ 一條條既雨點先係主角~