等左咁耐~ 住宿舍取綜媛既事開始有新既消息．．．．．．

其實應該話~ 我會早做一步~
直接租村屋黎取綜援~
因為社工同我講~ 長沙灣既曦華樓暫時冇宿位~
佢又係既~ 唔即刻同我講~
成日都要我做主動~ 永遠係我自己打去問~
真係叫做「踢一踢先識郁一郁」！
唔指社工~ 有幾個朋友都係~ 唔搵我~ 唔打俾我~
點解一定要我report比人我近況點???
點解朋友唔主動關心我???
我會任性一次~ 我要做被動！
不過都算啦~ 講唔講又係咁過~
想知近況睇我xanga咪得lor~
唔一定用把口既~
只有Michelle對我最有heart~~~

今日係07年8月8日~
呢日對香港黎講~ 係會考放榜既大日子~
呢日對北京黎講~ 係奧運倒數一周年既日子~
回想起七年前既今日~
我抱著平常既心態~ 去迎接放榜~
結果有8分~ 雖然中英文唔合格~
但都有5科合格~ 最高分係美術~ 有D~
當時既經濟環境~ 令我好灰心~
冇錢~ 我就乜都做唔到~
所以當日接完成績通知書就返屋企~
冇錢去REPEAT~ 中英文以自修生再重考~
去讀好cheap既展翅．．．．．．

最近既生活~ 通常睇電視多~
出街活動係幾乎冇咁滯~
七月既書展、動漫展我都好想去~
可惜冇錢~ 係真係幾悶~
社署既幫助~ 有少少被「dump」時間既感覺~
七月十一號決定住宿舍~ 但去到而家都仲係等待~
有打俾社工問~ 佢好以漏少少風冇宿舍位~
主任要8月中返黎先可以批基金~
好想快D到8月中~ 好想改善健康~

至於電腦~ 屋企果部已經冇理幾星期~
去圖書館借既次數唔多~ 因為行去既時間都要四、五個字~
而且要睇住自己既身體去唔去到~ 借既時間都唔多~
因為要睇其他網站~
所以我冇睇大家既BLOG~ 真係唔好意思~

今年既七月~ 就係「等待」中渡過~
其實真係等得幾悶~ 幾辛苦~
每日好似度日如年咁~
冇錢既生活~ 只會係屋企睇電視~
出去借電腦~ 又成日經過商場~
做唔到任何野~ 悶到不得了~

如果我早Ｄ下決定~ 早一個禮拜提出取綜援~
就唔使等成個月咁耐~ 咁岩社署主任放成個月大假~
要領基金~ 社工話要等佢返黎開夾萬先有．．．．．．
主任要8月中先返~ 要住宿舍最快都要到呢段日子~

呢日下午睇左明星之後~ 就搭車返中心~
去預備個「親親小墨魚」呢個活動~
原本係6月30號搞~ 但因為果日天公不造美~
延遲到今日呢個咁好既天氣舉行~

我要同阿Paul先夾司儀稿~ 其他人就出去買家庭庄零食~
最重要當然係墨魚啦~ 至少買幾斤~
如果萬一釣唔到都有得食丫麻~ 哈哈~

買完返黎又要一齊度遊戲分組同玩法~
6點鐘家長帶埋小朋友中心集合~ 連埋我地總共有50人~
我地由中心搭旅遊巴出發到馬料水碼頭~

睇下我地義工拎幾多野~ (有我~ 阿茵~ Sarah~ Paul~ Wing~ Kobe~ Sandy Miss)

遠處見到有隻船駛近~ 好似好細隻咁喎．．．．．．

呢日下午未出發返中心果陣~ 經過新港城~
原來有function~ 係職安健既活動兼頒獎典禮~
仲請左幾位歌星黎玩下遊戲、唱歌同頒獎添~
好耐冇見歌星真人喇~ 見到梗係影返舊本^^

首先見到應昌佑~ 佢唱果首「感謝寂莫」都唔錯~

跟住見到啤梨同Dear Jane~ 佢地好似有合唱~ 但唔記得左係邊首~