男人~ 我覺得佢地係辛苦既~

女人~ 我覺得佢地係快樂既~
但亦都覺得好煩~ (雖然自己係「大女仔」)

茺廢左呢個blog一排~ 真無奈~
原因係工作好繁忙~ 就算Dinner時間都好懶去上~
每日返1pm-10pm~ 有時OT~ 要成十一、二點先返屋企~
屋企又冇電腦用~ 想睇網友blog完全冇時間~
累積既數都好大~

工作方面都係咁啦~ 好多文件要處理~
好多會計文件要做~ (註：我冇讀會計既)
係感到辛苦既~ 不過係冇埋怨既~ 係有比個心出黎做~

我淨係覺得~ 我而家好累~ 好想訓一場大覺zzzzzzzzzzzzzzzzzzzzzzzzzz

想即時變白又得~ 變黑晒亦得~

得左~

http://61226.com/share/hk.swf

果然冇得彈~

尋日星期六~ 我係返9am - 5pm~
結果放工時間係7:30pm~~~

我而家對工作上~ 係感到有壓力~
係有唔開心既感覺~ 我最唔鐘寫daliy schedule~
又好似以前返global公司咁．．．．．．
而家每日返工~ 第一時間就check e-mail~
跟住打daliy schedule~ 又要接電話~
接完電話又要打返落表~ 打完daliy schedule又要e-mail俾linda同楊副主席~
做呢d野就要用成個鐘~ 成個鐘後先可以正式工作~
放工前又要補打返incoming call~ 因為接電話通常抄notes~

冇計~ 鬼叫我自己一個人工作~
秘書同副主席實要知我做緊乜~
仲要寫幾時完成~ 幾點完成~ 仔細到不得了~
阻我工作~ 阻我收工~
做每一樣野都要記錄記錄記錄~
記錄好晒~ 年尾就會同我評分~
同年終獎金有掛鈎~

linda有時對我好嚴~ 用電話說話佢講野好有骨~
但佢正式落黎見我果陣就好好笑容~
變化可以咁大~ 佢話我有唔開心既一面~
唔應該咁講~ 應該話燥多過唔開心~
工作有壓力~ 係正常架~ 心情唔好~ 都正常架~
一定要我開心?? 我心情要點樣點樣佢都要知~ 都要管??

唔知點解我放工後~ 好自然地喊過4次~
可以唔慣呢份工作啦~ 一間私人屋苑~
有法團~ 管業處~ 會所~
管業處係under法團~ 所以管業處做既野係要管~
要處理既事項就複雜非常~
而且~ 獨立生活~ 獨立工作~ 所有野都係自己黎~
有時~ 真係好累~

我真係唔想自己一個由水人~ 變成一個火人~

當時既心情係：

－亂
－煩
－燥
－無奈

果陣我既心情係：

－亂
－煩
－燥
－無奈

工作上既亂&煩．．．
一個人工作~ 一個電話~ 一條線~
有委員打黎~ 有管業處打黎~ 又有外來人打黎~
要做乜做乜~ check乜check乜~ 記得呢樣~ 又唔記得果樣~
收e-mail又多人~ 又多attachment~ 點處理又要問一餐~
會議仲要有幾個~ 咩agenda~ 邊D人打~
一次過質好多野落腦~ 而個過程Linda唔會講得十分清楚~
通常都要靠自己睇之前File~ 又成日get唔到個意思~
好煩．．．．．．

燥，係因為社署朱姑娘打黎講左D野令我好燥~
前兩日有同佢講話搵到工~
一講到呢樣野~ 佢就話綜援會cut~ (註: 大埔既保障部同事唔係咁講)
仲有~ 佢真係爆俾保良局知~ (保良局基金係可以免費睇公立醫院中醫)
兼話我搵既人工又超額~ 會cut~~~
但佢會同保良局講我岩岩搵到工~ 得半個月糧兼開支大~

果陣我都有話佢~ 話「咁我有收入~ 未必有錢姐!!!!」
cut呢樣~ cut果樣~ 感覺好乞人僧!!!!
話cut綜緩都算~ 如果連保良局基金都cut~
呢位朱姑娘~ 根本冇任何實質幫到我既地方!!!

無論租屋、借錢、甚至上網搵醫院中醫部、睇埋中醫取張收據~
乜資料都俾晒~ 乜野都係自己做晒~
等佢地綜援消息等左兩個月~ 浪費時間~
最後~ 社署都冇撥過一分一毫~
果位朱姑娘~ 樣樣野都執到正~ 公式化到不得了~
兼有一種疑心重、又度、又少家既感覺~

上個星期尾~ 冇乜特別~
為左迎接今星期再次返工既日子~
特登去買左一對斯文鞋~
至於衫就買唔到~ 因為好貴啊~
而且自己既資金係好緊~ 乜都要就住就住~

返左三日~ 感覺既舒適又好瘋癲~
雖然有好優質既會所設施~
法團既工作環境又唔錯~ (大部份時間自己一人佔晒一個office工作)
但工作上~ 一下子就要記好多東西~
第一日做會計既工作~
第二日就將outlook分類~
第三日就收到好多電話~ drop低好多事~
一人獨立工作原來唔係想像中咁歎架!!
最弊係個電話~ 得一條線~