今日去搭火車~ 環境方面冇乜大改變~
車費便左兩毫~ 係唔錯既．．．．．．

尋日唔知點解~ 我竟然訓到四點~
冇出街~ 起身冇耐就煲麥皮食~
之後諗諗下~ 呢日係兩鐵合併同立法會補選~

對於立法會補選~ 我幾想投票架~
但我唔係香港島居民~ 估都估到陳太會當選~
至於兩鐵合併既事當然更「事必關己」~

今日好晏先借圖書館電腦~
因為今朝同下午各有一份工去見~
兩間in完後~ 感覺上有點兒希望~

朝早second in~
就係之前曾經「差d甩我底」既公司~
先做個test~ 佢俾左一張報價單~
圈左幾個item~
然後用excel製作PO file~
我諗返以前公司既格式~
照辦轉換做返晒出黎~
結果出黎效果幾好~

之後~ test outlook~
只係輸入收件者同cc~
再入內容~ 都係一句中文姐~
果句係黎真架~ send俾老細既~
好快搞掂~
等我仲以為software應用會好難~
其實都好簡單~

暫時打住咁多先~
因為圖書館要關門了~
明朝仲有兩份工見~
到時有更多料爆!!

尋日去一個地方度見工~
朝早一份~ 下午一份~

朝早果份工~
特別由火車站行過去幾個字~
雖然遠見個公司招牌同傢俬幾齊全~
但裏面竟然冇人喎!!~ 又冇開燈~
我於是打去該公司~ 裏面係咁響~ 係咁響~
又冇飛去手機喎~
出面電梯附近既水牌又冇掛喎~
於是落返去問管理處~

結果佢地話公司冇掛水牌唔出奇~
亦話尋日都見到該公司既老細~
叫我等下．．．．．．

我心諗~ 有冇搞錯~
莊生約我尋日1030am~
但竟然冇返公司~ 又冇通知我~
幸好呢間商業中心樓下係「商場」~
麻雀雖少~ 五臟俱全~
唯有一路行下一路等啦~
還掂下午兩點鐘會去另一幢大廈度見工~
咪等下lor~ 唔會因為咁而走人既~~~~

尋日星期日~ 我自己一個去西九~
上到溜冰場附近既tvb週刊counter取換領券~
係個半月前填過表格既(gitti $200現金券)~
好開心可以中獎黎取啊~

之後~ 原來地下有function搞~
係新城娛樂台同實惠合作既~ (我係聽新城既)
我錯過左睇家燕姐啊~~~
但都見到幾位總算薄有名氣既artist~~

有張繼聰~

依家我覺得~ 只要我未有工返~
就日日都可以理mo記~
打下日記~ 留下言~
可惜睇大家既blog係未有時間既~
主要用多d時間上網搵工send e-mail~

如果我一有工返~
我就會消失得無影無蹤~
就算準時收工~ 圖書館八點先收擋~
我都要早d返去買送~ 返屋企煲飯食~

呢d就係屋企「冇腦」既唔方便地方!!

尋日睇新聞~ 話pk由明天起唔會主動派膠袋~
要膠袋既~ 就要綠色果款兼收每個兩毫~
見到咁樣有點兒驚訝~

今日行下百佳~ 見到d師奶係度評論~
如果收$0.2~ 5個就$1~ 都幾犀利~
亦見到個阿伯用惠x袋黎裝貨品~ 幾搞笑~
睇晒成個收銀既環境~
好似係迫人要用環保袋咁~

我亦見到pk有好多款環保袋賣~
見到有隻米白色純綿~ 又靚又舒服~
但最終都冇買~

有相睇!! 勁耐冇upload相~
以為圖書館冇software去執相~
好彩都搵到~

講咁多自己唔開心野做乜??
不如加下相~ 等我個blog冇咁悶丫麻!!

呢幅係我屋企相黎架~ 當時9月1號仲未入伙~ 地下鋪地磚~ 唔錯架~