剩返唔夠半個鐘去打呢個post．．．．．．

其實~ 公司係完全可以俾人上網~
玩msn都冇所謂~
甚至乎有2,3日既下午我係完全冇野做~
佢地出左去做野~ 由得我上乜網都得~
但都冇上mo記=.=

因為~ 唔想俾公司知我呢個blog~
亦都唔想分心走去玩MSN~
我係咪好傻??

下星期一返新工了^^
而呢間公司都係我心水黎架~
至於詳情可以睇返我之前既post~

其實前幾日搵工~ 都幾心急~
因為冇野做都超過半個月~
有「告急」既感覺~
但而家就鬆一口氣了~

上次講過~ 如果搵到野做~
我將會甚少去update個mo記~
甚至乎消失左一樣~
睇下呢種情況會唔會改變啦~
如果公司俾上網既話．．．

尋日朝早果兩份既second in~
超乎想像既順利~
基本上都係問多少少野~
就已經覺得我適合~

第一份係設計公司~
要入data~ follow d客~
老細話會再問會計同事d小小細節~
會再俾電話我~ 不過到今日仲未收到~

第二份係酒樓管理~ 做reception~
都係接電~ 文書工作~
但工作時間返6日之餘~
頭1-10號一定要ot到8,9點~ 冇補水~
人工真係好低~
佢地已經打算揀我~ 叫我下星期一返~
仲簽埋約添~ 合約上既規舉都幾嚴~

呢兩日~ 見工都幾忙~
明天仲要去一個地方~
見「4」份!! 2份仲要係second in~
果間甩底公司~ 相信唔使再諗了~
反而多諗左另外一間~

呢間公司~ 尋日first in~ 今日second in~
特登去尖沙咀度見工~
當然工作唔係果度咁遠啦~
亦都估唔到呢間係大公司~
香港600人~ 加埋內地有1000人!!
呢個位係sales & admin clerk~
屬於logistic dept~ 主要做系統運作~
輸入data~ 與國內同事聯絡等~

我已經盡力了~ 如果有得做~ 我會願意學習~

講返上次second in既事~
上星期五原本係可以打晒成件事~
因為呢間雖然係新公司~
但d野我覺得自己有能力去做既~

但到左今日~ 我覺得冇乜心機去補打~
記得second in臨走時老細話~
「我叫佢再打俾你啦~」~ 果陣真係好開心~
但到左今日~ 仲未收到電話~
令到我好失落~ 其他in過既工~
都唔及呢份咁有期望~

唔知係咪因為呢件事~
令到我自己冇消費意欲~
買糧食都懶得去買~

做人真係唔好「希望越大，失望越大」~

好希望12月中可以返工~
如果唔係~ 1月既生活就．．．．．．